ტურიზმის ეროვნული დაჯილდოების ( National Tourism Awards) ორგანიზებითა და საქართველოს ტურიზმის ეროვნული ადმინისტრაციის მხარდაჭერით, სტრატეგიული ლიდერობის საერთაშორისო ვორქშოფი გაიმართა. მასშტაბურ ღონისძიებაში, რომელიც ტურიზმისა და მასპინძლობის სექტორის განვითარებასა და საერთაშორისო სტანდარტების დანერგვას ისახავდა მიზნად, ორკინი საქართველო გენერალური პარტნიორის სტატუსით წარდგა.

ვორქშოპს საერთაშორისო ექსპერტები, ჰარი ჯონსონი და ნიტინ ტარიანი უძღვებოდნენ, რომლებმაც მონაწილეებს გაუზიარეს უახლესი საერთაშორისო პრაქტიკა ხელოვნური ინტელექტის, კომერციული ეფექტიანობისა და სტრატეგიული ლიდერობის მიმართულებით.

ღონისძიებას ესწრებოდნენ სასტუმროებისა და ტურისტული კომპანიების მმართველები, გენერალური მენეჯერები, კომერციული და საოპერაციო მიმართულებების ხელმძღვანელები, მეწარმეები და ტურიზმის ინდუსტრიის სხვა გადაწყვეტილების მიმღები პირები.

მოხარულები ვართ, რომ ორკინი საქართველო ტურიზმის ეროვნული დაჯილდოების გენერალური პარტნიორი გახდა. ეს პარტნიორობა საშუალებას მოგვცემს, კიდევ უფრო ახლოს იყოს ორკინი სტუმარმასპინძლობის სექტორთან, გაუზიაროს მრავალწლიანი გამოცდილება და დაეხმაროს ქართულ ბიზნესებს ჰიგიენა-სანიტარიის უმაღლესი სტანდარტების დანერგვით, შექმნან საუკეთესო და უსაფრთხო გარემო ვიზიტორთათვის.