კაზინოები და აზარტული თამაშების ბიზნესი დღე-ღამის მანძილზე უამრავ ვიზიტორს მასპინძლობს, მათ შორის, სხვადასხვა ქვეყნიდან ჩამოსულ სტუმრებს. ამ ბიზნესს პერსონალის სახით ინტენსიურად სჭირდება ადამიანური რესურსი. აქ გვხვდება სამზარეულო, რესტორანი, ბარი, სველი წერტილები, მოსასვენებელი სივრცეები, სხვადასხვა დანიშნულების სათავსები, ნარჩენების შესაგროვებელი ადგილი და სხვა, რაც ქმნის მიმზიდველ გარემოს მავნებლებისთვის შენობა-ნაგებობაში შესაღწევად, დასაბუდებლად და გასამრავლებლად.

ამგვარი დანიშნულების შენობებში გავრცელებული მავნებელია, მაგალითად, საწოლის ბაღლინჯო, რომელიც იკვებება ადამიანის სისხლით. იგი ძირითადად ღამით აქტიურობს, თუმცა, დღის განმავლობაში შესაძლოა აღმოჩნდეს რომელიმე სათამაშო აპარატთან ან მაგიდასთან, საიდანაც არსებობს რისკი, რომ სტუმარმა წაიყოლოს პირადი ნივთების საშუალებით.

ასევე, პრობლემას ქმნის მღრღნელი, ტარაკანი, ჭიანჭველა, ბუზი და სხვა მავნებელი მწერი. მათი არსებობა უარყოფითად იმოქმედებს სტუმრის განწყობაზე. თქვენი პერსონალისთვის კი  მათთან დამოუკიდებლად გამკლავება რთული იქნება, ამიტომ ჯობს უხმოთ პროფესიონალებს.

ორკინი საქართველო იყენებს მავნებლების ინტეგრირებული მართვის (IPM) სისტემას. პროგრამა მოიცავს შენობა-ნაგებობის რეგულარულ ინსპექტირებას და შესაბამისი სამუშაოების განხორციელებას; ასევე, რეგულარულ მონიტორინგს შედეგების გადასამოწმებლად და უვნებელი გარემოს შესანარჩუნებლად.

‍